आज:  २०७८ श्रावण १५, शुक्रबार | Fri, 30, Jul, 2021
FLASH NEWS

सप्तरीमा सुमो दुर्घटना हुँदा एक जनाको मृत्यु, दुई घाइते

एपी खबर २०७७ माघ ४, आईतबार (६ महिना अघि) २०९ पाठक संख्या

पूर्वपश्चिम लोकराजमार्ग अन्तर्गत सप्तरीको खडक नगरपालिका वडा न. ६ स्थित अाज बिहान सुमोले रोकिएको ट्याक्टर ठोकिदाँ भएको दुर्घटनामा एक जनाको मृत्यु भएको छ भने दुई जना घाइते भएका छन् ।

 

जिल्लाकाे खड्क नगरपालिका वडा न. ८ गिरधारी राईस मिल स्थित राजमार्गमा रोकी राखेको स.१ त २५१२ नम्बरको ट्याक्टरमा पश्चिमबाट पूर्वतर्फ जादै गरेको मे १ ज २४५२ नम्बरको सुमोले ठक्कर दिएको जिल्ला प्रहरी कार्यालय सप्तरीका डिएसपी तथा प्रवक्ता भुवनेश्वरप्रसाद साहले जानकारी दिए ।

 

सो दुर्घटनामा परी सुमोमा सवार झापा जिल्लाको शिवसतासी नगरपालिका ११ डुरामणी बस्ने मानप्रसाद लिम्बुको २५ वर्षीय छोरा रुपेश लिम्बुको मृत्यु भएको छ । दुर्घटना परी गम्भीर घाइते उनको राजविराज स्थित गजेन्द्रनारायण सिंह अस्पतालमा उपचारको क्रममा मृत्यु भएको हो ।

 

सोही दुर्घटना परेर सुमो चालक पाँचथरको फिदिम नगरपालिका वडा न. ३ बस्ने वर्ष ३४ को टेकबहादुर दर्जी, सुमो सवार झापा गौराद नगरपालिका ४ वस्ने वर्ष ३६ को जितबहादुर श्रेष्ठ घाइते भएका छन । चालकको छिन्नमस्ता अस्पताल राजविराज र श्रेष्ठको स्थानीय अस्पतालमा उपचार भइरहेको छ ।

 

यता दुर्घटनामा परेका ट्याक्टर, सुमो र चालकलाई प्रहरीले नियन्त्रणमा लिई थप अनुसन्धान कार्य भइरहेको प्रहरीले जनाएको छ ।

प्रतिक्रिया दिनुहोस