आज:  २०७८ आश्विन ६, बुधबार | Wed, 22, Sep, 2021
FLASH NEWS

सर्वसाधारणको लगानीमा नियामक निकाय मालिक बन्न खोज्दा पुँजी बजारमा पहिरो

एपी खबर २०७८ भाद्र २१, सोमबार (२ हप्ता अघि) ४६ पाठक संख्या

काठमाडौं । नेपाल राष्ट्र बैंकले सार्वजनिक गरेको मौद्रिक नीतिका कारण लगानीकर्ता आत्तिँदा पुँजी बजार निरन्तर ओरालो लाग्ने क्रम जारी छ ।सेयर बजार परिसूचक नेप्से तीन हजार दुई सय हाराहारीमा पुगेको पुँजी बजारमा पहिरो जाने क्रम नरोकिँदा छोटो समयमै नेप्से दुई हजार आठ सय वरिपरि झरेको नागरिक दैनिकमा खबर छ । साताको पहिलो दिन आइतबार नेप्से अघिल्लो दिनको कारोबारको तुलनामा एक सय आठ अंकले घटेर दुई हजार आठ सय १८ बिन्दुमा झ¥यो। जुन पछिल्लो नौ महिनाकै सर्वाधिक गिरावट हो ।

 

सोही दिन नेप्से एक सय ४७ अंकसम्म घट्न पुगेको थियो। कारोबारको अन्तिम समयमा भने नेप्से केही सुधार भएर बन्द भयो । सेयर लगानीकर्ता पुँजी बजार ओरालो लाग्नुमा राष्ट्र बैंक, धितोपत्र बोर्ड र नेपाल स्टक एक्सचेन्ज मुख्य दोषी रहेको आरोप लगाउँछन्। ठूला लगानीकर्ता तथा नेपाल इन्भेष्टर्स फोरमका निर्वतमान अध्यक्ष छोटेलाल रौनियार सर्वसाधारणको लगानीमा नियामक निकाय मालिक बन्न खोज्दा पुँजी बजार ओरालो लागेको दाबी गर्छन् ।

 

‘राष्ट्र बैंकले मौद्रिक नीतिमार्फत एउटा वित्तीय संस्थाबाट चार करोड र सबै वित्तीय संस्थाबाट १२ करोड रूपैयाँभन्दा बढी सेयर कर्जा लिन नपाइने व्यवस्था गरेपछि समस्या आएको हो,’ उनले भने, ‘त्यसैबेला धितोपत्र बोर्डले ५१ सूचीकृत संस्थालाई रातो सूचीमा राख्दा लगानीकर्ताको मनोबल थप खस्कियो ।’ चालु आर्थिक वर्षको मौद्रिक नीतिपछि सेयर लगानीकर्ताले करिब चार खर्ब रूपैयाँ गुमाइसकेको उनको भनाइ छ। ‘जनसंख्याको करिब १५ प्रतिशत सहभागी सेयर बजारमा दिनहुँ गिरावट आउँदा लगानीकर्ता घर न घाटका हुने अवस्था आएको छ,’ उनले भने, ‘त्यसैले यसबारे नियामक निकायले सोच्न जरूरी छ ।’

 

तीन साताअघि राष्ट्र बैंकले मौद्रिक नीति सार्वजनिक गर्दै साना लगानीकर्ताले पनि कर्जा पाउन सकून् तथा बैंकको लगानी उत्पादनमूलक क्षेत्रमा जाओस् भनेर सेयर कर्जामा कडाइ गर्ने नीति लिएको थियो ।

 

त्यसअघि लगानीकर्ताले जतिसुकै सेयर कर्जा लिन सक्ने व्यवस्था थियो। अहिले मौद्रिक नीतिमा लगानीकर्ताले एउटा वित्तीय संस्थाबाट चार करोड र एकभन्दा बढी वित्तीय संस्थाबाट १२ करोड रूपैयाँसम्म सेयर कर्जा लिन पाउने व्यवस्था गरिएको छ । त्यस्तै परिवारमा एकजनाले मात्र यस्तो कर्जा लिन पाउने व्यवस्था गरिएको छ ।

 

विगतमा तोकिएभन्दा बढी कर्जा लिएको भए एक वर्षभित्र त्यसलाई मिलाउनुपर्ने समेत नीति बनेपछि लगानीकर्तालाई समस्या परेको बताइन्छ ।हालसम्म बैंक तथा वित्तीय संस्थाले करिब ९५ अर्ब रूपैयाँ सेयर कर्जा प्रवाह गरेका छन् । ठूलो रकम सेयरमा लगानी भएको भन्दै नियामक निकायले कडाइ गर्न खोजेको हो। राष्ट्र बैंकका अधिकारीहरू सेयर कर्जामा लगानी बढ्दा त्यसको असर उत्पादनमूलक क्षेत्रले पर्याप्त लगानी नपाउने आकलन गर्छन् ।

 

साताको पहिलो कारोबारमा नेप्से परिसूचक ओरालो लाग्नुका साथै सेयर कारोबार रकम पनि खुम्चिएको छ। आइतबार ११ अर्ब २४ करोड रूपैयाँको सेयर किनबेच भयो। सबै समूह घट्न पुगे। सबभन्दा बढी जीवन र निर्जीवन बिमा समूहको कारोबार र मूल्य घटेको समाचारमा उल्लेख छ ।

प्रतिक्रिया दिनुहोस