आज:  २०७८ कार्तिक ९, मंगलबार | Tue, 26, Oct, 2021
FLASH NEWS

सरकारमा भोली कांग्रेश र माओवादी कोटामा परेका ६ मन्त्रि थपिने

एपी खबर २०७८ आश्विन ६, बुधबार (१ महिना अघि) ६० पाठक संख्या

प्रधानमन्त्री शेरबहादुर देउवाले नेपाली कांग्रेस र माओवादी केन्द्रको कोटामा परेका मन्त्रीहरु थप गरेर भोलि मन्त्रिपरिषद् विस्तार गर्ने भएका छन्। मन्त्रिपरिषद् विस्तारको तयारी भएको र भोलि नै दुई दलका मन्त्रीहरु समेटेर भएपनि मन्त्रिपरिषद् विस्तार हुने नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले जानकारी दिएका छन्।

बुधबार पार्टी कार्यालयमा बसेको स्थायी समिति बैठकमा अध्यक्ष प्रचण्डले अध्यादेशका कारण मन्त्रिपरिषद् विस्तारमा ढिलाइ भएको भन्दै भोलिसम्ममा मन्त्रिपरिषद् विस्तार हुने बताएका हुन्।

एकीकृत समाजवादी र जनता समाजवादीले केही दिनपछि मात्रै सरकारमा सहभागी हुने बताएसँगै दुई दलको भागमा परेका मन्त्रीहरु थपेर प्रधानमन्त्री देउवाले मन्त्रिपरिषद् विस्तार गर्न लागेका हुन्। माओवादी केन्द्रले आज बसेको स्थायी समितिको बैठकमार्फत आफ्नो तर्फबाट मन्त्री बन्नेहरुको नाम आज टुंगो लगाएको स्रोतले बताएको छ। यद्यपी नाम भने खुलेको छैन्। नेपाली कांग्रेस पनि मन्त्री छनोटमा जुटेको छ।

हिजो बसेको सत्तारुढ दलको बैठकबाट सहमति गरेर प्रधानमन्त्री देउवाले परराष्ट्रमन्त्रीमा कांग्रेस नेता डा नारायण खड्कालाई नियुक्त गरेका थिए। असार २९ मा प्रधानमन्त्री बनेका देउवाले त्यसै दिन कांग्रेसबाट २ र माओवादीबाट २ जनालाई मन्त्री बनाएका थिए। त्यसपछि साउन १० गते उमेश श्रेष्ठलाई स्वास्थ्य राज्य मन्त्री बनाएका देउवाले आज मात्रै परराष्ट्र मन्त्रीमा कांग्रेस नेता खड्कालाई नियुक्त गरेका हुन्। अझै १६ मन्त्रालय नेतृत्वबिहिन छन्।

प्रतिक्रिया दिनुहोस