आज:  २०७८ कार्तिक ९, मंगलबार | Tue, 26, Oct, 2021
FLASH NEWS

एकिकृृत समाजवादीको पहिलो केन्द्रिय बैठक सुरु, पहिलो दिन माधव नेपालको प्रस्ताव पारित

एपी खबर २०७८ आश्विन ६, बुधबार (१ महिना अघि) ५७ पाठक संख्या

नेकपा एकीकृत समाजवादीको केन्द्रीय कमिटी बैठकले अध्यक्ष माधवकुमार नेपालको राजनीतिक प्रस्ताव सुझावसहित पारित गरेको छ। मंगलबारबाट सुरु भएको सो पार्टीको केन्द्रीय समिति बैठकले अध्यक्ष नेपालको प्रस्ताव समूहगत छलफलपछि पारित गरेको प्रचार विभाग प्रमुख जगन्नाथ खतिवडाले जानकारी दिए। विभिन्न पाँच समूह बनाएर प्रतिवेदनमाथि छलफल भएको थियो।

समुह नं. १ बाट रामकुमार झाँक्री, समुह नं. २ बाट रामचन्द्र शाह, ३ बाट रमा आले, ४ बाट श्रीप्रसाद साह र ५ बाट दिनेश राईले राजनीतिक प्रतिवेदनमाथि आफ्नो समुहले गरेको छलफलको निष्कर्ष प्रस्तुत गरेका थिए। बैठकमा जनताको बहुदलीय जनवादको सम्बन्धमा उठेका प्रश्नहरुको जवाफ दिदै अध्यक्ष माधवकुमार नेपालले बैठकमा अध्यक्ष नेपालले एमालेले जबजलाई कुरूप र विकृत बनाएकाले त्यसको सारभूत लक्ष्यलाई पक्रँदै जाने बताएका थिए।

बैठक भोलि बिहीबार पनि जारी रहनेछ। प्रचार विभाग प्रमुख खतिवडाका अनुसार भोलिको बैठकले तीन महिने कार्ययोजना पास गर्नुका साथै महासचिव समेत चयन गर्नेछ। साथै स्थायी समिति र पोलिटब्यूरो सदस्य समेत भोलिको बैठकले टुङ्गो लगाउने छ।

प्रतिक्रिया दिनुहोस