आज:  २०७८ मंसिर १६, बिहिबार | Thu, 02, Dec, 2021
FLASH NEWS

सुनचादीँ ब्यापार अपेक्षाकृत बढ्यो, आपूर्तिको कोटालाई प्रतिदिन ३० किलो बनाउनुपर्ने महासंघ अध्यक्षको भनाई

एपी खबर २०७८ कार्तिक २२, सोमबार (३ हप्ता अघि) ५५ पाठक संख्या

केहि बर्षदेखी कोरोना महामारीका कारण बिथोलीएको सुनचादीँ ब्यवसाय यस बर्ष उत्साहजनक बनेको छ । नेपाल सुनचाँदी व्यवसायी महासंघका अनुसार दशैँ र तिहारको बेलामा प्रतिदिन सुनको व्यापार ४० किलो र चाँदीको व्यापार १ हजार किलोसम्म भएको छ ।

 

महासंघका अध्यक्ष माणिकरत्न शाक्यले यस वर्षको चाडवाडमा अपेक्षा अनुसारकै व्यापार भएको बताउनुभयो । अध्यक्ष शाक्यले चाडवाड पछिका केही दिन बजार सुस्त भएपनि सरकारले प्रतिदिन तोकेको २० किलो सुनको आयात भइरहने हुनाले चाडवाडमा बिक्री भएर सकिएको ठाउँको परिपूर्ति हुने बताउनुभयो ।

 

कोरोना बिरुद्धको भ्याक्सिन लगाइसकेपछि सुनचाँदीको व्यापारले पनि राम्रो लय समातेकाले मंसिर महिनाबाट विवाहको लगन सुरु हुदा त्यो बेलामा पनि राम्रो व्यापार हुने कुरामा महासंघ आशावादी रहेको छ ।

 

अध्यक्ष शाक्यले सरकारले सुनचाँदी सप्लाइ (वितरण) को नियमलाई वैज्ञानिक र पारदर्शी बनाउन आवश्यक रहेको बताउनुभयो । उहाले सुनचाँदीलाई पर्याप्त रुपमा आपूर्तिको व्यवस्थापन गर्नुपर्ने बताउँदै देश संघीयताको राज्य पुनः संरचनामा गइसकेकाले सुनको सप्लाइ (वितरण)लाई पनि काठमाडौँमा केन्द्रित नगरी सातै प्रदेशको राजधानी मार्फत् वितरण हुनुपर्ने बताउनुभयो ।

 

अध्यक्ष शाक्यले आपूर्तिको २० किलो कोटालाई प्रतिदिन ३० किलो बनाएर जानुपर्ने बताउनुभयो ।

प्रतिक्रिया दिनुहोस