आज पनि घट्यो सुनको मूल्य

AP Khabar २०७६ जेष्ठ ६, सोमबार ( ५ साल अघि) ४६२ पाठक संख्या

जेठ ६
साताको दोस्रो दिन आज सोमबार सुनको मूल्य ह्वात्तै घटेको छ ।

शुक्रबार तोलामा ५०० रुपैयाँले घटेर प्रति तोला ६० हजार २ सय रुपैयाँमा कारोबार भएको छापावाल सुनको मूल्य आइतबार तोलामा २ सय रुपैयाले घटेर प्रति तोला ६० हजारमा कारोबार भएको थियो । आज पनि तोलामा ५ सय रुपैयाँले घटेर छापावाल सुन प्रति तोला ५९ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै आज तेजावी सुनको मूल्य आज ५९ हजार २ सय रुपैँयामा कारोबार भइरहेको छ ।

चाँदी प्रतितोला ५ रुपैयाँ घटेको छ। हिजो प्रतितोला ७ सय १० रुपैयाँमा कारोबार भएको चाँदी आज ७ सय ५ रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ।