रविको फोटोमै भाइटीका !

एपी खबर २०८१ कार्तिक १९, सोमबार ( १ महिना अघि) ७३ पाठक संख्या

काठमाडौं– सहकारी ठगी प्रकरणमा कात्तिक २ गते पक्राउ परेका राष्ट्रिय स्वतन्त्र पार्टी (रास्वपा) सभापति रवि लामिछाने अहिले कास्की प्रहरीको हिरासतमा छन् ।

उनी कात्तिक ३ गतेदेखि हिरासत रहेकाले यस पटकको तिहार मनाउन पाएनन् । भाइटीकाको दिन आइतबार उनीसहित उनका दुई दिदी र शुभेक्छुकको तिहार खल्लो भयो । त्यहीकारण दिदीहरूले रविको फोटोमै भाइटीका लगाइदिएका छन् ।

यस्तै शमशेर क्षेत्री सिन्धुपाल्चोक आइडीबाट टिकटकमा हालिएको भिडियोमा पनि एकजना महिलाले रविको फोटोमा भाइटीका लगाएकी छन् । उक्त भिडियोमा २५ हजारले लाइक गरेका छन् भने १ हजार १ सय २९ जनाको कमेन्ट पढ्न सकिन्छ ।

उक्त फोटोमा ‘रवि दाइ हामी तिम्रो साथमा छौँ’ लेखिएको छ । यस्तै सामाजिक सञ्जाल फेसबुक र टिकटकमा पनि रविलाई टीको लगाइदिएका अन्य भिडियो पोस्ट गरिएको छ ।

यसअघि रास्वपाले पार्टीका समर्थकलाई तिहार र छठसम्म आन्दोलन स्थगित गरिएको जानकारी दिएको थियो । तर रास्वपाले देउसी भैलो खेलेर सरकारलाई दबाब दिन भनेको थियो । त्यसैगरी तिहारमा रविको फोटोमै भाइटीका लगाउन पनि उसले आव्हान गरेको थियो ।