AP Khabar
२०७५ कार्तिक ८, बिहिबार (
६ साल अघि)
६७० पाठक संख्या
काठमाडौं,कार्तिक ८ : वरिष्ठ अधिवक्ता टिकाराम भट्टराईले प्रदेश २ ले पारित गरेको प्रहरी ऐनको औचित्य नरहेको बताउनु भएको छ । अधिवक्ता भट्टराईले संघीयताको मर्ममाथि नै प्रहार हुने गरी कानुन निर्माण नगर्न पनि प्रदेश २ को प्रदेश सभा र सरकारलाई सचेत गराउनु भयो ।
काठमाडौंमा बिहिबार आयोजित साक्षात्कार कार्यक्रममा उहाँले संघीय कानुनले निर्धारण गर्नुपर्ने विषय प्रदेश २ को प्रदेश सभा र सरकारले प्रहरी महानिरीक्षक समेत बदल्न सक्ने गरी प्रदेश ऐन पारित गरेको भन्दै आपत्ति जनाउनु भयो ।
प्रदेश २ को प्रदेश सरकारले ल्याएको प्रहरी ऐन संविधान विपरित रहेकोे पनि कानुनविद् भट्टराईको तर्क छ । अधिवक्ताभट्टराईले संवैधानिक व्यवस्था अनुसार कानुन निर्माणको अन्य पाटोलाई छोडेर प्रदेश २ को सरकारले प्रहरी ऐन ल्याउने काम गरेर संघीय सरकारसँग निउ खोज्ने काम गरेको आरोप समेत लगाउनु भयो । उहाँले प्रदेश सरकारले सहकार्यमा आधारित संघीयताको मर्म विपरित चल्न नमिल्ने संवैधानिक व्यवस्था रहेको दावी गर्नुभयो ।
(जनता समाचार)
प्रतिक्रिया दिनुहोस