AP Khabar
२०७५ पौष १, आईतबार (
६ साल अघि)
५४६ पाठक संख्या
काठमाडौं , पौष ०१ : जनयुद्धकालमा अंगभंग भएर उपचार नपाएका घाइतेहरु अनशनस्थलमै बेहोस भएका छन् । निःशुल्क उपचार व्यवस्था माग गर्दै मंसिर २७ गतेदेखि माइतीघर मण्डलामा अनशनरत मकवानपुरका मंगलसिंह प्रजा र बर्दियाका लीलाचन्द्र कामी बेहोस भएका हुन् ।
अनशनमा बसेका अरुको पनि स्वास्थ्य अवस्था बिग्रँदै गएको छ । चिसो र भोकले कठ्याङ्ग्रिएर प्रजा र कामी बेहोस भएका
हुन् । ‘गणतन्त्र ल्याउन शरीरका अंग गुमायौं,’ कामीले भन्नुभयो, ‘अहिले उपचारका लागि सडकमा भिख माग्नु परेको छ ।’
अनशन बसेका घाइते अपांग संघर्ष समितिका संयोजक युवराज विकलाई प्रहरीले हिरासतमा लिएर जावलाखेलमा राखेको छ । घाइते अपांगलाई गणतन्त्र योद्धा घोषणा, परिचयपत्र व्यवस्था, रोजगारी, सन्तानलाई निशुल्क पढाइ माग राख्दै उनीहरु अनशन बसेका हुन् । विकसँगै नरवीर दमाई, वीरबहादुर परियार, संग्रामे सार्की, मन दर्जी, लीलाचन्द्र कामी र मंगलसिंह प्रजा आमरण अनशन बस्नु भएको हो ।
प्रतिक्रिया दिनुहोस