AP Khabar
२०७५ माघ २८, सोमबार (
५ साल अघि)
६०१ पाठक संख्या
एपी खबर
जीतपुर, माघ २८ : जीतपुरसिमरा उपमहानगरपालिका २१ अम्लेखगंजमा ‘ अम्लेखगंज मन्टेश्वरी चाईल्ड केयर होम’ नामक मन्टेश्वरी स्कुल संचालनमा आएको छ । जीतपुरसिमरा उपमहानगरपालिका २१ वकरीमा रहेको शान्ती एकेडेमी ई. बोर्डिङ्ग स्कुलको लगानीमा वडा नम्बर २१ को अम्लेखगंजमा सो मन्टेश्वरी संचालनमा आएको हो ।
एक औपचारी कार्यक्रमको आयोजना गर्दै जीतपुरसिमरा उपमहानगरपालिका २१ का वडा अधयक्ष कृष्ण बहादुर ठकुरीको प्रमुख आतिथ्यतामा सो मन्टेश्वरी कक्षाको उद्घाटन गरीएको थियो ।
कक्षाको उद्घाटन गर्दै वडा अध्यक्ष ठकुरीले शिक्षाको स्तरमा बृद्धि गर्न यस्ता संस्थाहरुले सहयोग गर्ने बताउनुभएको थियो । उहाँले युवा महिलाहरुको सक्रियतामा संचालित यस मन्टेश्वरी कक्षाबाट गुणस्तरीय शिक्षाको आपेक्षा राखन सबैलाई आग्रह समेत गर्नुभयो ।
कार्यक्रममा मन्टेश्वरीका संचालक वर्षा मगरले सानो सानो नानिबाबुहरुलाई उनिहरुको रुचिअनुसारको शिक्षा दिने उद्धेश्य स्वरुप यो संचालनमा ल्याएको जानकारी दिनुभयो । उहाँले बिहान ९ बजेदेखि साझ ५ बजे सम्म बालबालिकालाई कक्षा मै राख्नुका साथै उनिहरुलाई यस समय भित्र खाने, सुत्ने र खेल्ने सबै प्रबन्ध मिलाएको जानकारी दिनुभयो ।
उद्घाटन कार्यक्रममा अम्लेखगंजका स्थानिय भद्रभलादमीहरुको ब्यापक उपस्थिती रहेको थियो ।
प्रतिक्रिया दिनुहोस