AP Khabar
२०७६ मंसिर २५, बुधबार (
५ साल अघि)
३६५ पाठक संख्या
मंसिर २५ एजेन्सी।
अमेरिकाको न्युजर्सी शहरमा गोली चल्दा एक प्रहरी अधिकृतसहित ६ जना मारिएका छन् । न्युजर्सी शहरका मेयरका अनुसार अन्य दुई प्रहरी घाइते भएका छन् ।
बीबीसीले जर्सी शहरको ग्रीनभिल इलाकामा प्रहरी र हतियारधारीबीच एक घण्टासम्म गोली हानाहान भएको र गोली चलाउने व्यक्ति को हो ? र किन गोली चलायो ? भन्ने नखुलेको जनाएको छ ।
दुई संदिग्ध व्यक्ति लुकिरहेको एक पसलबाट गोलीबारीको सुरुआत भएकाे स्थानीयले बताएका छन्। मारिने प्रहरीमा १३ वर्षदेखि जर्सी शहरको प्रहरी सेवामा रहेका ३९ वर्षीय जोसेफ सिल्स छन् ।
उनले सडकलाई हतियार मुक्त बनाउन अहम् भूमिका खेलेको जर्सी प्रहरीका प्रमुख माइक केलीले बताएका छन् ।
केलीका अनुसार स्थानीय समयअनुसार मध्याह्न १२ बजेतिर एक्कासी गोली चल्न थालेको र जोसेफले ती बन्दुकधारीलाई पक्रने कोसिस गर्दै गर्दा उनी मारिएको बताएका हुन् ।
जोसेफको हत्यापछि ती दुवै संदिग्ध व्यक्ति ट्रकमा चढेर नजिकैको एक सुपरमार्केटमा लुकेर पनि प्रहरीमाथि गोली चलाएको र पसलभित्र रहेका तीन व्यक्तिको पनि हत्या गरेको बीबीसीले जनाएको छ ।
प्रतिक्रिया दिनुहोस