AP Khabar
२०७६ पौष १३, आईतबार (
४ साल अघि)
३६१ पाठक संख्या
पौष १३ साेमालिया ।
अफ्रिकी देश सोमालियाको राजधानी मोगादिसुमा भएको बम विस्फोटमा ज्यान गुमाउनेको संख्या कम्तिमा ७६ पुगेको छ ।
राजधानी मोगादिसुको व्यस्त चेक प्वाइन्टमा शनिबार व्यस्त समयमा विस्फोट भएको हो । कार बम विस्फोट हुँदा ९० जना भन्दा बढी घाइते भएका छन् । अहिलेसम्म कुनै पनि समूहले आक्रमणको जिम्मेवारी लिएका छैनन् ।
तर अल–कायदा सम्द्धव अल–शबाब विद्रोही समूहले सोमालियामा यस्ता आक्रमण गर्ने गरेको थियो ।
राष्ट्रपति मोहम्मद अब्दुल्लाही फार्माजोले आक्रमण सोमाली जनतालाई अपमानित गर्ने खराब नियतका साथ भएको तर विद्रोहीहरुले देश पुनर्निमाणको अभियानलाई रोक्न नसक्ने बताएका छन् ।
सोमालियामा १० वर्षभन्दा बढी समयदेखि अल–शाबाबले विद्रोही गतिविधि गर्दै आएको छ ।
सन् २०११ मा उसलाई राजधानीबाट लखेटिएको थियो, तर अझै पनि सोमालियाका केही क्षेत्रमा अल–शबाबको कब्जा रहेकाे छ ।
प्रतिक्रिया दिनुहोस