४० पाठक संख्या
सिमकोट- खार्पुनाथ गाउँपालिका –३ एक जना बालक सात दिनदेखि बेपत्ता भएका छन् । खार्पुनाथ गाउँपालिका– ३ को राया गाउँबाट अर्को गाउँ कारङ्ग जाने क्रममा ती बालक बेपत्ता भएका हुन् ।
राया गाउँ निवासी लोकेन्द्र रोकायाको कान्छो छोरा तीन वर्षका सदर रोकाया कात्तिक १४ गते आफ्नै घरबाट निस्केका र त्यसयता सम्पर्कमा नभएको स्थानीय रामबहादुर बोहराले बताए ।
बालक बेपत्ता भएको दिनबाटै स्थानीय मिलेर खोजी कार्य जारी राखेको भए पनि हालसम्म भेटाउन सकिएको छैन । घरबाट उत्तरतिरको काँरुगा गाँउ जाने बाटोतिर निस्केपछि बालक बेपत्ता भएका हुन् ।
घर परिवार सबै घरमा हुँदा दिउँसोको नास्तापछि बालककी आमा आइती रोकाया घाँस काट्न गएको र आमालाई खोज्न जाँदा बालक हराएको अनुमान गरिएको बोहराले जानकारी दिए ।
हराएको दोस्रो दिनमा प्रहरीलाई जानकारी गराएको र प्रहरीले पनि खोजी कार्य जारी राखेको जनाइएको छ ।
प्रतिक्रिया दिनुहोस