आज:  २०८१ चैत्र २०, बिहिबार | Thu, 03, Apr, 2025
FLASH NEWS
Advertisement
SKIP THIS

रास्वपा बैठकमा देखिएका दुई दृश्य

एपी खबर २०८१ चैत्र १७, सोमबार ( ३ दिन अघि) १०१ पाठक संख्या

संसदको चौथो ठूलो दल राष्ट्रिय स्वतन्त्र पार्टी ९रास्वपा० को केन्द्रीय समिति बैठक सोमबार दुईपल्ट बस्यो । पहिलो सकिएर सुरु भएको दोस्रो बैठक जारी छ ।

 

सोमबार अपराह्न कार्यवाहक सभापति डीपी अर्यालको अध्यक्षतामा बैठक बसेको थियो । उक्त बैठकमा पार्टी सभापति रवि लामिछाने उपस्थित थिएनन् । त्यतिञ्जेल उनी आफ्नै कार्यकक्षमा बसे । बैठकको सुरुवात गर्दै कार्यवाहक सभापति अर्यालले सभापति लामिछाने जिम्मेवारीमा फर्किएको जानकारी गराए ।

 

सम्बन्धित समाचार
राष्ट्रिय झण्डा ओढेर पार्टी कार्यालय पुगेका रविको हाउभाउ
त्यसपछि सभापति लामिछानेको अध्यक्षतामा दोस्रो बैठक बस्ने निर्णय गरेर पहिलो बैठक टुङ्गियो । अनि मात्रै उनी बैठक हलमा छिरे । अपराह्न ४ बजेतिर उनको अध्यक्षतामा केन्द्रीय समिति बैठक सुरु भएको थियो । त्यसअघि निकै तामझामका साथ रवि वनस्थलीस्थित पार्टी कार्यालय पुगेका थिए । समर्थकको नाराका माझ त्यहाँ पुगेर उनले घण्टी बजाएर आफू पुनः पार्टी सभापतिको जिम्मेवारीमा फर्किएको जनाउ दिएका थिए ।

 

बैठकमा पार्टी र सदनको गतिविधिबारे छलफल हुने कार्यवाहक प्रवक्ता मनिष झाले जानकारी दिए । बैठकमा सदस्यहरूले संक्षिप्त रिपोर्टिङ गर्नेछ ।

 

लिडरसिप एकेडेमीको फ्लो चार्टसम्बन्धमा पनि छलफल हुने झाले बताए । रास्वपाले जनयात्रा कार्यक्रम गर्नेबारे पनि विमर्श गर्दै छ ।

 

यसैगरी, पार्टीको राजनीतिक प्रतिवेदनमा आधारित देशव्यापी जागरण र बहस अभियानको विषयमा पनि केन्द्रीय समिति बैठकमा छलफल हुने कार्यसूची छ । यस्तै, बैठकले अधिवेशनरमहाधिवेशन कार्यतालिकाबारे पनि छलफल गर्नेछ ।

प्रतिक्रिया दिनुहोस