८६ पाठक संख्या
राष्ट्रिय स्वतन्त्र पार्टीका सभापति रवि लामिछानेसहित नेताहरू सभामुख देवराज घिमिरेसँग भेटवार्ता गरिरहेका छन् । छलफलमा सभापति लामिछानेसहित उपसभापति डीपी अर्याल, प्रमुख सचेतक सन्तोष परियार, सचेतक निशा डाँगी, कार्यवाहक प्रवक्ता मनिष झा, सांसदहरू अशोक चौधरी, शिव नेपाली, हरि ढकाल, सोबिता गौतम र तोसिमा कार्की सहभागी छन् ।
सम्पत्ति शुद्धीकरण मुद्दा दर्ता भएसँगै लामिछानेको सांसद पद निलम्बनमा छ । यसअघि पनि उनले सभामुख घिमिरेलाई भेटेर सांसद पद निलम्बन फुकुवा गरिदिन अनुरोध गरेका थिए । लामिछानेले आज पनि सोही विषयमा सभामुखको ध्यानाकर्षण गराएका छन् । यसअघि सहकारी ठगी तथा सम्पत्ति शुद्धीकरण मुद्दामा धरौटीमा छुटेलगत्तै उनले सभामुखलाई लिखित निवेदन दिएर आफ्नो सांसद पद निलम्बन फुकुवा गरिदिनु अनुरोध गरेका थिए ।
प्रतिक्रिया दिनुहोस