आज:  २०८१ चैत्र २१, शुक्रबार | Fri, 04, Apr, 2025
FLASH NEWS
Advertisement
SKIP THIS

रौतहटमा छुट्टाछुट्टै स्थानमा आगलागी, १० लाखको क्षति

एपी खबर २०८१ चैत्र १८, मंगलबार ( २ दिन अघि) ५३ पाठक संख्या

रौतहटमा छुट्टाछुट्टै स्थानमा भएको आगलागीमा १० लाख ३८ हजार रुपैयाँ बराबरको क्षति भएको छ । गरुडा नगरपालिका –५ मा रहेको ठाकुर ग्रिल उद्योगमा सोमबार बेलुका करिब ९ बजे तिर आगलागी भएको हो ।

 

आगलागीको घटनाका बारेमा जानकारी पाउनका साथ इलाका प्रहरी कार्यालय गरुडाबाट प्रहरी टोली खटिएको थियो । सुरक्षाकर्मी , स्थानीय र दमकलको सहयोगमा आगो करिब एक घण्टामा नियन्त्रणमा आएको जिल्ला प्रहरी प्रवक्ता एवं डिएसपी दीपककुमार रायले बताए ।

 

उनका अनुसार विद्युत तार सर्ट भएर आगलागी भएको अनुमान गरिएको छ । आगलागीबाट उद्योगमा रहेको टायर, वल्डिङ मेसिन ,मर्मतका लागी राखिएको ट्याक्टर लगायत जलेर क्षति पुगेको उनले जानकारी दिए । आगलागीबाट कुनै प्रकारको मानवीय क्षति नभएको उनको भनाइ छ ।

 

आगलागीमा १० लाख बराबरको क्षति भएको प्रहरीले जानकारी दिएको छ । यस्तै इशनाथ नगरपालिका ६ जयनगर बस्ने शेख वसिर अख्तरको पक्की घरको एक कोठामा आगलागी भएको रौतहट प्रहरीले जनाएको छ ।

 

आगलागीबाट कोठामा रहेका टिभी , पलङ र साइकल लगायत जलेर क्षति भएको प्रहरीको भनाइ छ । घरको कोठामा मात्र आगलागी भएकाले करिब ३८ हजार बराबरको क्षति भएको रौतहट प्रहरीले जनाएको छ ।

 

प्रतिक्रिया दिनुहोस