५९८ पाठक संख्या
रौतहट जिल्लाको मौलापुर नगरपालिका वडा नम्वर ५ पतौरामा अन्दाजी ३५ वर्षीय हरेन्द्र साह र उनको श्रीमती शिला देवीमाथि गए राति अज्ञात समूह द्वारा धारिलो हतियार प्रहार गरेर दुवै दम्पतीलाई घाईते बनाएको छ ।
दुवै जनालाई घाइते अवस्थामा उपचारका लागि गए राति एलएस न्युरो अस्पताल वीरगञ्ज पठाइएको छ ।रातभरिको उपचारपछि दुवैको अवस्था सुधार हुँदै गएको जिल्ला प्रहरी कार्यालय रौतहटको प्रहरी प्रवक्ता भरत श्रेष्ठले जानकारी दिएको छ।
राति १ बजे साह दम्पती सुतिरहेका अवस्थामा अज्ञात मानिसले दुवैमाथि धारिलो हतियारले आक्रमण गरेको थियो ।आक्रमणको ठोस कारण खुल्न नसके पनि घटनास्थलको प्रकृतिअनुसार साहका घरमा चोरी गर्ने उद्देश्यले चोर आएको र जाग्राम भएपछि आफू बच्नलाई दम्पतीमाथि आक्रमण गरेर भागेको हुन सक्ने प्रहरीको प्रारम्भिक अनुमान छ ।
प्रनाउ श्रेष्ठले घरमा चोर देखेर शिलादेवीले होहल्ला गर्दा उनमाथि पहिले र हरेन्द्र उठ्दा उनीमाथि पछि आक्रमण भएको बताउँदै घटनामा संलग्नको खोजी तथा अनुसन्धान भइरहेको जानकारी दिएको छ ।
प्रतिक्रिया दिनुहोस