सर्लाहीको बरहथवामा बिद्युतीय धरापमा परि एक पुरुषको मृत्यु

एपी खबर २०८० आश्विन २४, बुधबार ( १ साल अघि) ९४ पाठक संख्या

सर्लाही : सर्लाहीको बरहथवामा बिद्युतिय धरापमा परेर एक पुरुषको मृत्यु भएको छ । गएराती बरहथवा नगरपालिका–१४, बिनवा टोलामा जंगली जनावरलाई थापेको बिद्युतीय धरापमा परेर सोही स्थानका अन्दाजी ४५ बर्षका शिवजी साहको मृत्यु भएको जिल्ला प्रहरी कार्यालय सर्लाहीले जनाएको छ । राती पिसाव फेर्न घरनजिकै छिमेकीको खेतमा पुगेका साहलाई नाङ्गो तारबाट करेन्ट लागको थियो ।

लगतै उपचारको लागि प्रादेशिक अस्पताल मलंगवा पुर्याए पछि साहलाई चिकित्सकले मृत घोषित गरेको थियो । छिमेकी नरेश साहले जंगली जनावरबाट तरकारी खेती जोगाउन लगाएको बिद्युतिय धरापमा साह परेका प्रहरीले जनाएको छ । घटना लगतै नरेश साह फरार रहेका प्रहरीले जनाएको छ । प्रहरीले नरेशका १९ वर्षीय छोरा रामकेवल साहलाई नियन्त्रणमा राखेर घटनाको अनुसन्धान भईरहेको जनाएको छ । शव परिक्षण पश्चात आफन्तको जिम्मा लगाईएको प्रहरीले जनाएको हो ।