१३१ पाठक संख्या
बारा : सामुदायीक बचत तथा ऋण सहकारी संस्था लि जीतपुरले बुधवार विजया दशमी तथा शुभ दिपावली र छठ पर्वको शुभकामना अदानप्रदान कार्यक्रमको आयोजना गरेको छ । बाराको जीतपुरसिमरा उपमहानगरपालिका वडा नम्बर ७ मा रहेको यस सहकारीले आफ्नो शेयर सदस्यहरुसंग शुभकामना अदान प्रदान कार्यक्रमको आयोजना गरेको हो ।
संस्थाका अध्यक्ष सावित्रीदेवि पिपलेको सभाअध्यक्षतामा सम्पन्न यस कार्यक्रममा सहकारी बैँक सिमराका प्रमुखद्धय चन्द्रमणी भटराई, सुरेश लागे लगाएको उपस्थिती रहेको थियो ।शुभकामना कार्यक्रमलाई सम्बोधन गर्दै अतिथीहरुले देश आर्थिक मन्दिमा रहेको यस अवस्थामा सहकारीले देशको बागडोर सम्हालेको बताए । यसैगरी कार्यक्रममा सहभागीहरुले दशैको शुभकामना ब्यक्त गर्नुभएको थियो । कार्यक्रममा सहकारीका ब्यवस्थापक शम्भु रामले सहजीकरण गरेका थिए भने सस्थाका शेयर सदस्य अनिल तिवारीले स्वागत मन्तब्य ब्यक्त गरेका थिए ।संस्थाले उक्त अवसरमा आफना शेयर सदस्यहरुलाई सम्मान समेत गरेको छ ।
प्रतिक्रिया दिनुहोस