AP Khabar
२०८० आश्विन २५, बिहिबार (
१ साल अघि)
८० पाठक संख्या
महोत्तरी– महोत्तरी प्रहरीले बुधबार राति चार क्विन्टलभन्दा बढी गाँजा बरामद गरेको छ। गएराति करिब २ बजे जलेश्वरबाट बखरीतर्फ जाँदै गरेको ना ६ ख ७३७४ नम्बरको ट्रक चेकजाँच गर्दा उक्त गाँजा बरामद भएको जिल्ला प्रहरी कार्यालय महोत्तरीले जनाएको छ।
महोत्तरीका प्रहरी प्रवक्ता प्रहरी नायब उपरीक्षक दिलिपकुमार गिरीका अनुसार प्रहरीले बरामद गरेको गाँजा ४ क्विन्टल ५ केजी छ। प्रहरीले गाँजासहित ट्रक र ट्रक सहचालक मकवानपुरको थाहा नगरपालिका २ का २२ वर्षीय विशाल थिङलाई नियन्त्रणमा लिई आवश्यक कारबाहीको लागि जिल्ला प्रहरी कार्यालयमा राखेर थप अनुसन्धान थालेको जनाएको छ।
प्रतिक्रिया दिनुहोस