७१ पाठक संख्या
राष्ट्रिय स्वतन्त्र पार्टी (रास्वपा) का कार्यकर्ताहरूले आइतबार पनि पोखरा बजारमा प्रदर्शन गरेका छन् ।
सहकारी ठगी प्रकरणमा पक्राउ परेका सभापति एवम् पूर्वगृहमन्त्री रवि लामिछानेलाई म्याद थपका लागि जिल्ला अदालत लाने क्रममा प्रदर्शन भएको हो ।
प्रदर्शनमा सहभागी रास्वपा कार्यकर्ताहरूले सरकारविरुद्ध नाराबाजी गरेका छन् । रास्वपाले यही शनिबार कडा आन्दोलन गर्ने बताएको थियो।
प्रहरीले लामिछानेसहित उनका साझेदार पूर्वडीआइजी छविराज जोशी, लीला पछाईं र तनहुँका व्यवसायी रामबहादुर खनाललाई पनि म्याद थप गर्न अदालत लगेको छ।
मित्रमिलन सहकारी संस्थाका उपाध्यक्ष विजय लम्साल र बागलुङको ढोरपाटन नगरपालिकाका मेयर देवकुमार नेपालीलाई पनि अदालत लगिएको छ ।
लामिछानेलाई प्रहरीले कात्तिक २ गते काठमाडौंस्थित पार्टी कार्यालयबाट पक्राउ गरेर पोखरा ल्याएको थियो । लामिछानेलाई चौथो पटक कास्की अदालतमा उपस्थित गराएपछि रुपन्देही लाने तयारी छ।
प्रतिक्रिया दिनुहोस