सुप्रिया ढकाल
२०७८ श्रावण ३२, सोमबार (
३ साल अघि)
५०१ पाठक संख्या
बारा । श्रावण महिनाको अन्तिम दिन आजै अन्तिम सोमबार पनि परेको छ । हिन्दु धर्मशास्त्रमा श्रावण महिनालाई चोखो महिनाको रुपमा लिईन्छ । यसबर्ष श्रावण महिना अन्तर्गत पनि ५ वटा सोमबार परेकाले अधिकांश महिलाहरुले श्रावण महिनाको ब्रत बसेका छन् ।
आजको दिनलाई बिवाहिता तथा अविवाहित महिलाहरुले महत्वपूर्ण दिनका रुपमा लिने गर्दछन् । पछिल्लो समय त पुरुषहरुले समेत श्रावण महिनाको ब्रतलिन थालेको पाईन्छ ।
आज अन्तिम दिन पाचौ सोमबार ब्रतालुहरुले भगवान शिवको पूजा आराधना गरी साउनको सोमबारे व्रत समापन गर्ने गर्छन् । साउनको पहिलो सोमबारदेखि सुरु भएको व्रत शिव मन्दिरमा पुगेर होम ईत्यादिका साथ पूजा आराधना गरी ब्रतालुहरुले समापन गर्ने गर्दछन् । त्यसैले आज शिव मन्दिरमा भीड लागेको छ ।
जितपुरसिमरा उपमहानगरपालीका १ अन्तर्गत पर्ने १ शताब्दि लामो ईतिहास बोकेको पौराणिक शिव मन्दिरमा ब्रत समापन कार्यक्रम आयोजना गरीएको छ । वाणलिङ्गेश्वर महादेव मन्दिर परिषरमा उपस्थित भएर आज सयौ श्रद्धालु ब्रतालुहरुले पुजापाठ गरेका छन्, भने सबैको सहयोगमा सामुहिक होमआदि हवन गरीएको छ ।
यस्तै वडा नम्बर ४ औराहास्थित श्री पशुपतीनाथ महादेव मन्दिरमा समेत सौभाग्य दान तथा हवन कार्यक्रम सम्पन्न भएको मन्दिर ब्यवस्थापन समितिका अध्यक्ष भुवप्रसाद ढकालले जानकारी दिनुभयो ।
प्रतिक्रिया दिनुहोस